ثانیہ مرزا کا ٹینس کو الوداع کرنے کا فیصلہ

سڈنی: (ویب ڈیسک) ہندوستان کی ٹینس سٹار ثانیہ مرزا نے اپنے بین الاقوامی کیریئر کو الوداع کہنے کا ذہن بنا لیا ہے۔ ثانیہ کا 19 سالہ سفر اب 2022 میں ختم ہو جائے گا. نیوز ایجنسی اے این آئی کے مطابق ثانیہ مرزا رواں سیزن کے اختتام پر ریٹائر ہو جائیں گی۔ انہوں نے کہا، 'اس کی کچھ وجوہات ہیں۔ یہ اتنا آسان نہیں ہے کہ میں کہوں کہ اچھا میں اب نہیں کھیلوں گی۔ مجھے لگتا ہے کہ میری صحتیابی میں تاخیر ہو رہی ہے۔ میں نے اپنے 3 سالہ بیٹے کی صحت کو بھیخطرے میں ڈال دیا ہے کیونکہ میں اس کے ساتھ بہت سفر کرتی ہوں۔ https://twitter.com/ITFTennis/status/1483974738670141442?s=20 ثانیہ مرزا نے کہا کہ مجھے لگتا ہے کہ میرا جسم اب جواب دے رہا ہے۔ آج میرے گھٹنے میں بہت درد ہو رہا ہے اور میں یہ اس لئے نہیں کہہ رہی کہ ہم ہار چکے ہیں لیکن اب لگتا ہے کہ میں بوڑھی ہو رہی ہوں۔ خیال رہے کہ دنیا کی سابق ڈبلز نمبر ون ٹینس کھلاڑی ثانیہ مرزا 6 مرتبہ گرینڈ سلیم ٹائٹل جیت چکی ہیں۔ ثانیہ نے کہا کہ وہ اس سیزن کے اختتام تک کھیلنا چاہتی ہیں لیکن آگے یہ مشکل ہوگا۔ ثانیہ نے کہا، 'میں اس مصیبت سے نکلنے کے لئے ہر روز حوصلہ تلاش کرتی ہوں۔ اب توانائی ایک جیسی نہیں رہی۔ اب پہلے سے زیادہ دنوں سے ایسا لگتا ہے کہ میں کچھ نہیں کرنا چاہتی۔ میں ہمیشہ کہتی ہوں کہ جب تک مجھے لطف آتا ہے میں کھیلتی رہوں گا لیکن جو کچھ ہو رہا ہے اسے دیکھ کر مجھے نہیں لگتا کہ میں اس سے لطف اندوز ہو رہی ہوں۔ https://twitter.com/AustralianOpen/status/1483968992066768899?s=20 انہوں نے کہا کہ 'یہ کہنے کے باوجود، میں اب بھی اس سیزن میں کھیلنا چاہوں گی کیونکہ میں نے فٹ ہونے، وزن کم کرنے اور ماں کے طور پر ایک اچھی مثال قائم کرنے کے لئے سخت محنت کی ہے۔ ایک ماں کی طرح میں اپنے بچے کے خوابوں کو ہر ممکن حد تک پورا کرنے کی کوشش کرتی ہوں۔ اس سیزن کے بعد مجھے نہیں لگتا کہ میرا جسم میرا ساتھ دے گا۔