ویب ڈیسک: ڈکیتی کی واردات میں نوجوان کو گولی لگنے کے ڈرامہ کا ڈراپ سین ہوگیا۔
ترجمان ڈی آئی جی آپریشن کے مطابق نوجوان نے شادی سے بچنے کے لیے ڈکیتی کا ڈرامہ رچایا۔ نوجوان علی حیدرنے خود کو گولی مار کر ڈکیتی کی جھوٹی 15 کال کی۔
یاد رہے کہ گزشتہ روز ڈکیتی کی واردات میں نوجوان کے زخمی ہونے کی خبر نشر ہوئی تھی۔جس پرڈی آئی جی آپریشنز نے واقعہ کا نوٹس لیا، تحقیقات کے لیے 24 گھنٹے کا وقت دیا۔
ترجمان ڈی آئی جی آپریشنز کے مطابق ایس ایس پی آپریشنز کی سربراہی میں سپیشل ٹیم نے تحقیقات شروع کیں۔24 گھنٹے کے اندر ہی پولیس حقائق تک پہنچ گئی۔زخمی نوجوان علی حیدر نے جرم تسلیم کیااور بیان ریکارڈ کروایا۔
ترجمان ڈی آئی جی آپریشنزکا کہنا تھا کہ رواں سال ڈکیتی کی زیادہ تر وارداتوں کا کامیابی سے سراغ لگایا گیا۔ ڈکیتی سمیت تمام جرائم پر لاہور پولیس کی زیرو ٹالرنس پالیسی ہے۔سبزہ زار میں میڈیکل سٹور لوٹنے والے ڈکیٹ دو دن میں پکڑے گئے۔