ویب ڈیسک: کراچی کے علاقے سرجانی ٹاؤن میں خاتون پولیو ورکر کو ہراساں کرنے کا دوسرا واقعہ پیش آیا ہے۔
تفصیلا ت کے مطابق پولیو ورکر قطرے پلانے گھر کے دہلیز پر پہنچی تو کے ڈی اے فلیٹ میں موجود شخص برہنہ حالت میں پولیو ورکرخاتون کے سامنے آگیا اور اُسے ہراساں کیا۔
یہ واقعہ بدھ 18 دسمبرکو پیش آیا تاہم پولیس کی بروقت مداخلت سے ملزم کوگرفتار کرلیا گیا ہے۔پولیس کا کہنا ہے کہ پولیو ورکر یمنی کی مدعیت میں مقدمہ درج کرکے ملزم کو گرفتار کرلیا گیا ہے۔
متاثرہ پولیو ورکرکا کہنا ہے کہ 18 دسمبر کی دوپہر کے ڈی اے فلیٹس میں پولیو قطرے پلانے گئی تھی، فلیٹ میں ایک شخص بغیر کپڑوں کے سامنے آیا،ایسے رویے پر فوری طور پر فلیٹس سے نیچے اتر گئی۔
واضح رہے کہ گزشتہ روز شہر قائد فیڈرل بی ایریا دستگیر بلاک 15 میں درندہ صفت شخص کی طالبات کے ساتھ دن دہاڑے نازیبا حرکات کی سی سی ٹی وی فوٹیج منظر عام پر آگئی۔فوٹیج میں دیکھا جاسکتا ہے کہ 2 طلبہ گلی میں جارہی تھیں کےموٹر سائیکل سوار شخص نے راستہ روکا،موٹر سائیکل پر سوار شخص نے طلبہ کو دیکھ کر نازیبا حرکات شروع کردیں،موٹر سائیکل سوار شخص کی نازیبا حرکت پر دونوں طالبات نے راستہ بدل لیا۔موٹر سائیکل پر سوار شخص فرار ہو جاتا ہے۔
فوٹیج میں ہراساں کرنے والے شخص کا چہرہ واضح طور پر دیکھا جا سکتا ہے۔
پولیس حکام کا کہنا ہے کہ کسی متاثرہ خاتون نے پولیس سے تاحال رابطہ نہیں کیا،فوٹیج پر تحقیقات کی جارہی ہیں۔