ویب ڈیسک: راجستھان کےعلاقے جے پور سے ایک بارات مرزا پور کے ایک گاؤں میں پہنچی لیکن دلہن کو دیکھتے ہی دلہے نے شادی کرنے سے انکار کردیا، جس کے بعد پولیس بلانی پڑگئی۔
تفصیلات کے مطابق گزشتہ منگل کو راجستھان کے جے پور کا ایک چھتریا خاندان بینڈ باجے کے ساتھ بارات لے کر راج گڑھ علاقے کے ایک گاؤں پہنچا۔ شادی کا خواب آنکھوں میں سجائے دلہا باجے کے ساتھ بارات لے کر دلہن کو لینے کے لیے پہنچا۔
گھر پہنچنے کے بعد دلہا کو دلہن کے گھر والوں پر شک ہو گیا۔ وقت گزرنے کے ساتھ ساتھ شک مزید گہرا ہوتا چلا گیا۔ شادی کے وقت دلہن سانولی نظر آئی تو دلہے کے ارمان ایک لمحے میں چکنا چور ہو گئے۔ دلہےنے شادی سے انکار کر دیا۔
شادی میں موجود گاؤں والوں نے اس کی اطلاع پولیس کو دیدی۔ پولیس موقع پر پہنچی اور دلہے کے اہلخانہ کو تھانے لے جاکرپوچھ گچھ کرنے کےبعد چھوڑ دیا۔