وزیر اعظم کی زراعت،آئی ٹی کے شعبوں میں دوست مملک کیجانب سے سرمایہ کاری کے حصول کیلئے منصوبوں کی منظوری

اسلام آباد: وزیراعظم شہباز شریف نے زراعت، حیوانات، معدنیات، کان کنی، آئی ٹی اور توانائی کے شعبوں میں دوست ممالک کی طرف سے سرمایہ کاری کے حصول کے لئے منصوبوں کی منظوری دی اور ہدایت کی کہ ان منصوبوں پر عمل درآمد اور انہیں عملی شکل دینے کے لئے دلچسپی دکھانے والے سرمایہ کاروں کو بھرپور سہولیات فراہم کی جائیں۔ تفصیلات کے مطابق معاشی بحالی پلان کے اجرا اورحکومت پاکستان کی جانب سے سپیشل انوسٹمنٹ فسیلی ٹیشن کونسل (ایس ۔آئی۔ایف۔سی) کے قیام کے تسلسل میں ایپیکس کمیٹی کا دوسرا اجلاس آج منعقد ہوا۔وزیراعظم پاکستان کی زیرصدارت اجلاس میں چیف آف آرمی سٹاف، وزراءاعلی، وفاقی و صوبائی وزرا اور اعلی حکام شریک ہوئے۔ ایپیکس کمیٹی نے ایس آئی ایف سی کی کارکردگی اور سیمینارز کے انعقاد اور منصوبوں کے افتتاح کے ذریعے ممکنہ سرمایہ کاروں تک رسائی کی حکمت عملی پر اطمینان کا اظہار کیا۔ ایپیکس کمیٹی نے وزراءکی جانب سے ایس آئی ایف سی کے تحت سرمایہ کاروں کے لئے تیار کردہ مختلف منصوبوں کا جائزہ لیا۔ اجلاس کے اختتام پر مفید گفتگو اور اتفاق رائے کے بعد وزیراعظم نے زراعت، حیوانات، معدنیات، کان کنی، آئی ٹی اور توانائی کے شعبوں میں دوست ممالک کی طرف سے سرمایہ کاری کے حصول کے لئے منصوبوں کی منظوری دی اور ہدایت کی کہ ان منصوبوں پر عمل درآمد اور انہیں عملی شکل دینے کے لئے دلچسپی دکھانے والے سرمایہ کاروں کو بھرپور سہولیات فراہم کی جائیں۔