ویب ڈیسک: ٹیکنالوجی کے میدان میں افریقہ1 سب میرین کیبل کی شمولیت ، پی ٹی سی ایل نے پاکستان کو افریقہ-1 سب میرین کیبل سے منسلک کر دیا۔
تفصیلات کےمطابق 10 ہزار کلومیٹر طویل کیبل سسٹم میں جدید ترین ٹیکنالوجیز شامل ہے،کیبل پاکستان کو سعودی عرب، متحدہ عرب امارات سے جوڑے گی،مصر، سوڈان، الجیریا، فرانس، کینیا،جبوتی سمیت اسٹریٹجک اہمیت کے حامل مقامات منسلک ہونگے۔
کیبل کو منسلک کرنے سے ڈیجیٹل اور ٹیلی کام نظام میں بہتری آئے گی، سب میرین کیبل، افریقہ-1 کو کراچی میں پی ٹی سی ایل ایکسچینج سے منسلک کیا گیا،کمپنی نے افریقہ-1 کیبل سسٹم کنسورشیم میں شمولیت کے لیے باضابطہ معاہدہ کیا۔
پاکستان ٹیلی کمیونیکیشن کمپنی لمیٹڈ ( پی ٹی سی ایل) کا کہنا تھا کہ اقدام عالمی ڈیجیٹل مراکز کے ساتھ پاکستان کے روابط کو مستحکم کرے گا،قومی ٹیلی کمیونی کیشن ڈھانچے کو مستحکم کرنے میں مدد ملے گی،کیبل سسٹم میں ہماری شرکت پاکستان کے ’ڈیجیٹل وژن 2030‘ کے عین مطابق ہے۔
ڈیجیٹل تقسیم کا خاتمہ کر کے لوگوں کو بااختیار بنانے کے لیے پُرعزم ہیں،مختلف شعبوں میں جدت کو فروغ اور ملکی معیشت مستحکم ہو سکے گی۔
افریقہ-1 کیبل سسٹم 2026 کے اوائل میں فعال ہوگی، صارفین کو عالمی معیار کی انٹرنیٹ سہولیات دستیاب ہونگی۔