ویب ڈیسک: سعودی عرب کے شہزادہ عبدالعزیز بن مشعل انتقال کر گئے،منگل کو نماز جنازہ کی ادائیگی کے بعد انہیں سپرد خاک کردیاگیا۔
تفصیلات کے مطابق سعودی ایوان شاہی نے ایک اعلان میں بتایا ہے کہ شہزادہ عبدالعزیز بن مشعل بن عبد العزیز آل سعود انتقال کرگئے ہیں۔
سعودی پریس ایجنسی کے مطابق ایوان شاہی نے کہا ہے کہ ’’ شہزادہ عبدالعزیز کی نماز جنازہ منگل کو ریاض میں جامع امام ترکی بن عبد اللہ میں بعد نماز عصر ادا کی گئی، جس کے بعد ان کی تدفین شاہی قبرستان میں ہوئی۔
ایوان شاہی نے متوفی کیلئے رحمت و مغفرت اور درجات کی بلندی کی دعا کی ہے۔