پشاور : پاک فضائیہ کا تربیتی طیارہ گر کر تباہ، دو پائلٹ شہید

پاک فضائیہ کا تربیتی طیارہ معمول کے ٹریننگ مشن کے دوران پشاور کے قریب گر کر تباہ ہوگیا۔ دونوں پائلٹس شہادت کے رتبے پر فائز ہو گئے۔ پاک فضائیہ کی جانب سے جاری ہونے والی پریس ریلیز میں بتایا گیا کہ حادثے کے نتیجے میں زمین پر کسی جانی و مالی نقصان کی اطلاع نہیں ملی۔ ائیر ہیڈ کوارٹرز نے واقعے کی وجوہات جاننے کے لیے بورڈ آف انکوائری تشکیل دے دیا ہے۔