ویب ڈیسک: فلم میں میرا موبائل نمبر کیوں استعمال کیا؟ بھارت کی ریاست چنئی کے انجینئرنگ طالب علم نے فلم’’ امران’’ کے پروڈیوسرز کو 1 کروڑ ہرجانے کا قانونی نوٹس بھیج دیا۔
چنئی سے تعلق رکھنے والے انجینئرنگ کے ایک طالب علم، وی وی ویگیسن نے فلم کے کردار سائی پلاوی کے پرستاروں کی جانب سے دن رات مسلسل کالز کے بعد امران کے پروڈیوسرز کو قانونی نوٹس بھیجا ہے۔
دی ہندو کی ایک رپورٹ میں کہا گیا ہے کہ فلم میں ریبیکا اور میجر مکند کے درمیان فلم امران میں ایک رومانوی منظر میں، ہیروئن کاغذ کا ایک ٹکڑا ہیرو پر پھینکتی ہے جس پر اس کا موبائل نمبر لکھا ہوا ہے۔ درحقیقت یہ نمبر واگیسن کا ہے۔
فلم 31 اکتوبر کو ریلیز ہونے کے بعد، دیوالی کے دن سے طالب علم کے فون نمبر پر ہیروئن ربییکا سے بات کرنے کے لیے متعدد کالز آنے لگیں۔
پہلے تو اسے پتہ نہیں چلا لیکن بعد میں اسے احساس ہوا کہ اس کا موبائل نمبر فلم میں دکھایا گیا ہے۔ جس کےباعث اسے اندھا دھند کالز آرہی ہیں ۔ طالب علم نے اس ذہنی اذیت کے بدلے 1.1 کروڑ ہرجانے کا مطالبہ کرتے ہوئے فلم پروڈیوسرز سے اپنے نمبر کو فلم سے فوری ہٹانے کا بھی مطالبہ کیا ہے۔
طالب علم نے میڈیا کو بتایا کہ فلم ریلیز ہونے کے بعد سے وہ "سونے، مطالعہ کرنے، یا بغیر کسی رکاوٹ کے بنیادی سرگرمیاں انجام دینے" سے قاصر ہے۔ جب کہ اس نے ابتدائی طور پر سوشل میڈیا پر پوسٹ کرکے اور ہدایت کار راجکمار پیریاسمی اور مرکزی اداکار شیوکارتھیکیان کو ٹیگ کرکے مسئلہ حل کرنے کی کوشش کی، ان کی درخواستوں کا جواب نہیں دیا گیا۔