(ویب ڈیسک ) پنجاب یونیورسٹی میں ایک مرتبہ پھرسٹوڈنٹ فیڈریشن اور سکیورٹی اہلکاروں میں جھگڑا ہوا۔ طلبا کی جانب سے پتھراؤ سے متعدد گارڈز زخمی ہوگئے۔
تفصیلات کے مطابق جھگڑا پنجاب یونیورسٹی سٹوڈنٹ فیڈریشن اور سکیورٹی اہلکاروں کے درمیان ہوا.ترجمان کا کہنا ہے کہ ایس ایچ او مسلم ٹاؤن انسپکٹر عاطف موقع پر زخمی ہو گئے، ایس ایچ او انسپکٹر عاطف کے دائیں ہاتھ کی انگلی اور دائیں آنکھ پر چوٹ آئی۔
ایس پی اقبال ٹاؤن بلال احمد، ڈی ایس پی عاطف معراج، ایس ایچ او مسلم ٹاؤن انسپکٹر عاطف بھاری نفری کے ہمراہ پنجاب یونیورسٹی میں موجود ہیں۔
ایس پی اقبال ٹاؤن بلال احمد کا کہنا ہے کہ پنجاب یونیورسٹی میں لڑائی جھگڑے کے دونوں فریقین کو منتشر کروا دیا گیا ہے، انتشار پسند عناصر کے خلاف بھرپور قانونی کارروائی عمل میں لائی جائے گی۔