ایف بی آر نے 200 ارب کی سیلز ٹیکس چوری پکڑ لی

لاہور (پبلک نیوز) فیڈرل بورڈ آف ریونیو (ایف بی آر) نے بڑی سیلز ٹیکس چوری پکڑ لی۔ ڈائیریکٹوریٹ جنرل انٹیلی جنس و انوسٹی گیشن آئی آر لاہور کی بڑی کامیابی مل گئی۔

اعلامیہ کے مطابق مصدقہ اطلاع ملنے پر لاہور میں واقع انوویٹیو بسکٹ کے خلاف سیلز ٹیکس چوری کرنے پر ایکشن لیا گیا۔ اسیسمنٹ آرڈر کے تحت رجسٹرڈ شخص کے خلاف 4.27 ارب روپے کا سیلز ٹیکس بمہ ڈیفالٹ سرچارج اور ٹیکس فراڈ پر 100 فیصد جرمانہ عائد کر دیا گیا۔

انوویٹیو بسکٹ کے ڈائریکٹر شیخ منیر حسین کو گرفتار کر لیا گیا۔ ڈائیریکٹوریٹ جنرل لاہور کی طرف سے کیس کے بہترین دفاع پر دو مرتبہ سپیشل جج نے ملزم کی ضمانت رد کر دی۔ لاہور ہائی کورٹ راولپنڈی بینچ نے 30 کروڑ روپے اور 10 کروڑ روپے کا چیک جمع کروانے پر ملزم کو ضمانت پر رہائی دے دی۔

ملزم کے خلاف قانون کے تحت کاروائی جاری ہے۔ رواں مالی سال جولائی اپریل عرصہ میں تک ڈائیریکٹوریٹ جنرل انٹیلیجنس نے 200 ارب روپے کی ٹیکس چوری کی تحقیقات کیں۔

اس خبر پر اپنی رائے کا اظہار کریں

اپنا تبصرہ بھیجیں