ویب ڈیسک: اسموگ سے ستائے عوام کیلئے بڑاریلیف، لاہور کے چندمقامات پر بونداباندی جس کے بعد سردی کی شدت میں اضافہ ہوگیا ہے۔
تفصیلات کے مطابق لاہور میں سموگ کے ستائے شہریوں کے لیے بڑاریلیف،اچھرہ اور شمع کے علاقوں میں ہلکی بوندا باندی جبکہ ٹاؤن شپ، ماڈل ٹاؤن،گلبرگ، مال روڈ اور گڑھی شاہو میں بھی ہلکی بارش کی اطلاعات ہیں۔
لاہور کا ایئر کوالٹی انڈیکس اب بھی 382 کی خطرناک حد پر موجود ہے،کم سے کم درجہ حرارت 14 ڈگری اور زیادہ سے زیادہ 24 ڈگری سینٹی گریڈ ریکارڈ کیا گیا ہے۔
محکمہ موسمیات کے مطابق آج پنجاب میں ہلکی بوندا باندی کے امکانات ہیں،سموگ میں کمی کی امید لیکن فضائی آلودگی اب بھی خطرناک سطح پر ہے۔
طبی ماہرین نے شہریوں کو ماسک استعمال کرنے اور غیر ضروری باہر نکلنے سے گریز کی ہدایت کی ہے۔