واٹس ایپ صارفین اب 'پول ' بھی کراسکیں گے، نیا فیچر سامنے آگیا

واٹس ایپ استعمال کرنے والے صارفین کیلئے ایک نیا فیچر سامنے آگیا ہے۔ نیا فیچر واٹس ایپ کے اینڈرائیڈ بیٹا ورژن میں متعارف کرایا گیا ہے جس کے تحت صارفین اب کسی بھی موضوع پر پول (رائے شماری ) کراسکیں گے۔ یہ نیا فیچر نہ صرف گروپس میں بلکہ ون ٹو ون چیٹ میں بھی استعمال کیا جاسکے گا۔ WABetaInfo کی رپورٹ میں کہا گیا ہے کہ اس نئے فیچر تک بیٹا ورژن کے کچھ صارفین کو رسائی ملی ہے۔تاہم ابھی یہ واضح نہیں کہ یہ فیچر کس مقصد کے لیے استعمال ہوسکے گا۔ رپورٹ میں کہا گیا ہے کہ واٹس ایپ میں پول کا مقصد سمجھ نہیں آتا مگر یہ لوگوں کی جانب سے مختلف چیزوں کے بارے میں رائے حاصل کرنے کا ایک اچھا طریقہ ہوگا۔ نئے فیچر کے تحت ایک پول میں 12 آپشن شامل کیے جاسکیں گے اور ووٹ ڈالنے پر واٹس ایپ اسے خودکار طور پر اپ ڈیٹ کر دے گا۔ اس فیچر کو تمام صارفین کیلئے کب تک متعارف کرایا جاتا ہے، ابھی یہ کہنا مشکل ہے۔