سعودی عرب میں موسیقی کی محفلیں بحال کرنے کا اعلان

ریاض (ویب ڈیسک) سعودی عرب حکومت نے اپنے دارالحکومت میں موسیقی کی محفلیں بحال کرنے کا اعلان کر دیا ہے۔ کورونا وائرس کے باعث ان محفلوں پر پابندی لگا دی گئی تھی جنھیں کورونا کا زور ٹوٹنے پر دوبارہ سے شروع کرنے کی اجازت دی جا رہی ہے۔

سعودی حکام کا کہنا ہے کہ موسیقی کی ان محفلوں میں 40 فیصد لوگوں کو آنے کی اجازت دی گئی ہے۔ ان محافل میں پرفارم کرنے والے فنکاروں کے لیے کورونا ویکسین ضروری ہے جبکہ شرکت کرنے والے افراد ایس او پیز پر عمل پیرا ہونے کے پابند ہوں گے۔ ایس او پیز پر عمل نہ کرنے والوں کو اجازت نہیں دی جائے گی۔

یہ بھی یاد رہے کہ سعودی محکمہ صحت کی جانب سے جاری کردہ اعدادوشمار کے مطابق صرف ریاض میں گزشتہ 24 گھنٹوں کے دوران کورونا وائرس کے 12 سو زائد نئے کیس رپورٹ ہوئے جبکہ 16 اموات بھی ہوئیں۔

اس خبر پر اپنی رائے کا اظہار کریں

اپنا تبصرہ بھیجیں