ویب ڈیسک: لاہور ہائیکورٹ میں ایک شحص نے کیس ہارنے کی وجہ سے دل برداشتہ ہو کر خود کو آگ لگا لی جبکہ خود سوزی کی کوشش کی ویڈیو بھی سامنے آگئی۔
تفصیلات کے مطابق آصف جاوید نامی شحص کا کیس لاہور ہائی کورٹ کے جج جسٹس شجاعت علی خان کی عدالت میں زیر سماعت تھا۔
آصف نامی شحص کا تعلق حانیوال سے بتایا جارہا ہے، آصف کو فوری ریسکیو کرکے کے قریبی اسپتال منتقل کر دیا گیا۔
واقعے کی ویڈیو بھی سامنے آگئی جس میں ایک شخص کو جلتے ہوئے دیکھا جاسکتا ہے جب کہ پولیس اہلکار اور کچھ لوگ آگ بجھانے کی کوششوں میں مصروف ہیں۔
لاہور ہائی کورٹ میں انصاف کے حصول کے لیے آنے والے شحص کی شناحت آصف جاوید کے نام سے ہوئی، آصف جاوید نے نوکری کی برطرفی کے خلاف اپیل دائر کر رکھی تھی۔
ڈیوٹی پر معمور پولیس اہلکار نےخودی کشی کرنیوالےشحص کو بچالیا
لاہور ہائیکورٹ ڈیوٹی پر معمور پولیس اہلکار نے آصف جاوید نامی خودی کشی کرنے والے شحص کی جان بچائی،پولیس اہکار عقیل کا کہنا ہے کہ یہ شحص پانی والی بوتل میں پٹرول لیکر آیا تھا،دیکھتے ہی دیکھتے اسنے خود پر پٹرول ڈال کر اگ لگا لی،میں نے فوری اگ بھجانے والے آلہ سے اصف کو مزید جھلسنے سے بچا لیا۔
چیف جسٹس لاہور ہائیکورٹ جسٹس مس عالیہ نیلم کا سخت نوٹس
لاہور ہائیکورٹ کے اندر پٹرول کیسے پہنچا ؟چیف جسٹس لاہور ہائیکورٹ جسٹس مس عالیہ نیلم نے سخت نوٹس لیتے ہوئے آئی جی پنجاب سے واقع کی رپورٹ طلب کرلی۔
خود سوزی کی کوشش کرنے والے سائل کی تفصیلات
لاہور ہائیکورٹ میں خود سوزی کی کوشش کرنے والے سائل کی تفصیلات سامنے آگئیں۔سائل کو نجی کمپنی نے 2016 کو برطرف کیا،2019 میں لیبر کورٹ نے سائل کی برطرفی کا فیصلہ کالعدم قرار دے کر نوکری بحال کرنے کا حکم دیا،نجی کمپنی نے لیبر کورٹ کا فیصلہ نیشنل انڈسٹریل ریلیشن کمیشن میں چیلنج کیا،23 نومبر 2020 کو نیشنل انڈسٹریل ریلیشن کمیشن نے نجی کمپنی کی اپیل خارج کردی۔
نجی کمپنی نے دسمبر 2020 میں ہائیکورٹ میں کیس دائر کر دیا،سائل آصف جاوید کا کیس 2020 سے لاہور ہائیکورٹ میں زیر سماعت ہے،لاہور ہائیکورٹ نے آج کیس کی سماعت 8 اپریل تک ملتوی کردی تھی۔