ویب ڈیسک: ٹیکسلا کے علاقے تھانہ صدر واہ کی حدود سادات کالونی میں غیرت کے نام پر بھائی نے اپنی بہن اور اس کے آشنا کو گولیوں سے چھلنی کر دیا ۔
اطلاعات کےمطابق مدعیہ فرشتہ بی بی نے تھانہ صدر واہ میں رپورٹ درج کراتے ہوئے کہا کہ میں اور میری بیٹی گلا لی باعمر 15 سال گھر میں اکیلی تھی اسی دوران میں سودا سلف لینے کے لیے دکان پر گئی ایک نامعلوم نوجوان باعمر 24، 25 سال میری بیٹی سے ملنے گھر آگیا اسی دوران میرا بیٹا رائٹ گل جب گھر میں داخل ہوا تو دونوں کو دیکھتے ہی فورا اشتعال میں آگیا اور اپنی بہن اور اس کے آشنا کو گولیوں سے چھلنی کر دیا، پولیس نے ملزم کو گرفتار کر کے لاشوں کو پوسٹ مارٹم کے لیے ٹیکسلا سول ہسپتال منتقل کر دیا۔