پولیس نے زمان پارک جانے والے راستے بند کر دیئے

پولیس نے سابق وزیر اعظم اور پی ٹی آئی چئیرمین عمران خان کی رہائشگاہ زمان پارک پر جانے والے راستے بند کر دیئے ہیں ۔ تفصیلات کے مطابق لاہور میں پولیس نے پی ٹی آئی چئیرمین اور سابق وزیر اعظم عمران خان کی رہائشگاہ زمان پارک جانے والے راستے بند کر دیئے ہیں ۔ عمران خان کی گرفتاری کے خدشات کے پیش نظر زمان پارک کے باہر کارکنان کی بڑی تعداد حفاظت کے لئے جمع ہے ۔ پی ٹی آئی کے سوشل میڈیا اکاؤنٹ سے رات 2 بجے عمران خان کی گرفتاری کے خدشہ کا اظہار کیا گیا تھا ، ساتھ ہی کارکنوں کو عمران خان کی حفاظت کیلئے لاہور میں ان کی رہائشگاہ زمان پارک پہنچنے کی ہدایت بھی کی گئی تھی جس کے بعد سے بڑی تعداد میں کارکن زمان پارک میں جمع ہوئے اور ابھی تک وہیں موجود ہیں ۔