فل کورٹ نہ بنا تو عدالتی کارروائی کا بائیکاٹ کریں گے، وزیر داخلہ

وفاقی وزیر داخلہ رانا ثنا اللہ نے سپریم کورٹ کے باہر میڈیا سے گفتگو کرتے ہوئے اعلان کیا ہے کہ سپریم کورٹ نے وزیراعلیٰ پنجاب کے انتخاب پر فل کورٹ تشکیل نہ دیا تو ہم کارروائی کا بائیکاٹ کریں گے۔ وفاقی وزراءرانا ثناء اللہ اور اعظم نذیر تارڑ نے میڈیا سے گفتگو کرتے ہوئے کہا کہ عدالت سے استدعا کی گئی ہے کہ ڈپٹی سپیکر رولنگ کے حوالے سے فل کورٹ بنایاجائے، فل کورٹ بنانے سے عدالت کی توقیر میں اضافہ ہوگا، فل کورٹ پر تمام سیاسی جماعتوں اور پوری قوم کا اتفاق رائے ہے، نظرثانی درخواست اور متعلقہ درخواستوں کو ایک ساتھ سنا جائے ، موجودہ صورتحال کا حل صرف فل کورٹ کی تشکیل میں ہے،. وزیر قانون اعظم نذیر تارڑ کا کہنا تھا کہ عدالتی فیصلوں کےمطابق پارٹی سربراہ کو ہی فیصلوں کا اختیار ہے، فل کورٹ کی تشکیل سے تمام ابہام دور ہوجائیں گے، مسلم لیگ ق کے دو ارکان اسمبلی وفاقی کابینہ کا حصہ ہیں . عطاء تارڑ کا کہنا تھا کہ پارٹی سربراہ کی ہدایت نہ ماننے کی صورت میں ڈی سیٹ ہونے والے 25 ارکان بحال ہوجائیں گے.