ویب ڈیسک : عشق نہ پچھے ذات، ملک نہ نام۔۔ کورونا کے دنو ں میں فیس بک پر پروان چڑھنے والی ایک اور پاک بھارت لو اسٹوری، مہاراشٹر کی رہائشی صنم بنی ایبٹ آباد کے بشیر احمد کی دلہن، ماں سے ملنے جانے پر صنم کو بھارت میں تفتیش کے نام پر ڈرایا دھمکایا جانے لگا۔
بھارتی ریاست مہاراشٹر کے علاقے تھانے کی رہائشی صنم خان عرف نغمہ نور مقصود عالم کی شادی پاکستان کے علاقےایبٹ آبادمیں بشیر احمد سے ہوئی۔ صنم خان عرف نغمہ نور مقصود عالم سے سوشل میڈیا فیس بک کے ذریعے دوستی ہوئی اور یہ دوستی محبت میں بدل گئی۔
صنم خان نے بتایا کہ ہم سوشل میڈیا کے ذریعے واٹس ایپ پر آئے اور ہم روزانہ واٹس ایپ کے ذریعے بات کرتے تھے۔ جب ہماری دوستی محبت میں بدل گئی تو میں نے اور بشیر احمد نے ویڈیو کال کے ذریعے گھر والوں سے بات کی اور پھر ہماری شادی ہوگئی۔
صنم خان عرف نغمہ نور مقصود عالم کی پہلی شادی 2012 میں ہوئی تھی اور اس دوران ان کے شوہر اتر پردیش میں مقیم تھے۔ پہلے شوہر سے ان کے دو بچے تھے لیکن چونکہ شوہر کوئی کام نہیں کرتا تھا اس لیے گھر میں روزانہ لڑائی جھگڑا ہوتا رہتا تھا۔ اس سے پریشان ہو کر وہ اپنی ماں کے گھر آئی اور یہاں ان کی ماں نے پھر ایک نغمہ کے شوہر کو بلا کر بات چیت کی ۔
نغمہ نور مقصود عالم کے مطابق،نغمہ کے گھر والوں نے اس کے شوہر سے کہا کہ وہ ا نہیں پیسے دیں گے اور وہ ممبئی اپنا کاروبار شروع کرے، لیکن شوہر نےممبئی بھی کوئی کام نہیں کیا۔ بالآخر نغمہ نے فیصلہ کیا کہ انہیں الگ ہو جانا چاہیے اور 2015 میں وہ دونوں الگ ہو گئے۔ نغمہ نے اپنا نام تبدیل کرکےصنم رکھا لیا اور اسی نام سے سوشل میڈیا پر اکاؤنٹس بنائیں۔ اس کے بعد 2015 میں اس نے آدھار کارڈ پر اپنا نام بدل کر صنم کر لیا اور اپنی ماں کے ساتھ رہنے لگی۔
نغمہ نور نے بتایا کہ 2021 میں کورونا کے دور میں نغمہ کی ملاقات پاکستان کے ایبٹ آباد میں رہنے والے بشیر احمد سے فیس بک پر سوشل میڈیا کے ذریعے ہوئی۔ اس کے بعد یہ دوستی محبت میں بدل گئی۔ 2023 میں نغمہ اور پاکستان کے بشیر احمد نے شادی کرنے کا فیصلہ کیا۔ اس کے بعد نغمہ نےدہلی میں موجود پاکستانی سفارت خانے میں ویزے کے لیے اپلائی کیا لیکن بشیر احمد کا تعلق پاکستان سے ہونے کی وجہ سے جلدی ویزا حاصل نہیں کر پائی۔
6 سے 9 ماہ کے بعد، نغمہ نور نے دہلی میں موجود پاکستانی سفارت خانے سے ویزا کے لیے درخواست دی اور وہ اپنے دو بچوں کے ساتھ پاکستان کے ایبٹ آبادمیں رہنے والے بشیر احمد سے ملنے چلی گئی۔ لیکن اس سے پہلے ہی پاکستانی سفارت خانے نے نغمہ سے کہا کہ اگر آپ شادی کے لیے جانا چاہتے ہیں تو آپ کو پہلے آن لائن شادی کرنی ہوگی، تب ہی آپ جا سکتے ہیں۔
اس کے بعد صنم خان نے ایبٹ آباد کے رہائشی بشیر احمد کے ساتھ آن لائن شادی کر لی اور پھر وہی تمام دستاویزات پاکستان کی سرحد پر چیک کروائیں اور وہاں صنم گزشتہ دو ماہ سے پاکستان کے بشیر احمد کے ساتھ رہ رہی تھی لیکن گزشتہ چند دنوں سے، صنم خان اپنی والدہ کی بگڑتی ہوئی صحت کے باعث پاکستان سے ویزالے کر مہاراشٹر کے تھانے کے علاقے میں اپنی والدہ سے ملنے آئی ہیں اور تھانے میں اپنا علاج کروا رہی ہیں۔
صنم خان عرف نغمہ نے بھارتی حکومت سے مطالبہ کیا ہے کہ میں تمام درست دستاویزات کے ساتھ پاکستان گئی اور وہاں اپنی مرضی سے شادی کی۔ اس نے کہا کہ ہمارے والدین دونوں اس شادی کے لیے راضی ہیں۔ میرا آنا جانا مستقبل میں بھی جاری رہے گا۔
اس لیے میں بھارت کی مرکزی حکومت اور مہاراشٹر حکومت سے مطالبہ کرتی ہوں کہ میری جو بھی تصدیق ہو، وہ صرف ایک بار کی جائے تاکہ مجھے بار بار اس قسم کے مسائل کا سامنا نہ کرنا پڑے، کیونکہ میرا سسرال پاکستان میں ہیں اور میرے والدین کا گھر ہندوستان میں ہے۔