حقیقی آزادی دفن ہو چکی ، جنازہ آج مینار پاکستان پر پڑھا جائے گا، مریم اورنگزیب

اسلام آباد: وفاقی وزیر اطلاعات مریم اورنگزیب نے کہا ہے کہ حقیقی آزادی دفن ہو چکی ہے ، جنازہ آج رات مینار پاکستان پر پڑھا جائے گا ۔ تفصیلات کے مطابق ن لیگی رہنما مریم اورنگزیب نے ٹوئٹر پر عمران خان کو مخاطب کرتے ہوئے لکھا ہے کہ قوم کو بتائیں کہ 4 سال مہنگائی ،بے روزگاری اور تباہی کی دلدل میں پاکستان کو دھنسایا، ملک کو لوٹا ، جس نے تباہی اور تقسیم کی دلدل میں ڈالا ہو وہ نکال نہیں سکتا ہے وہ صرف فراڈیا اور دہشت گرد ہوتا ہے ۔ انہوں نے کہا کہ ‏وہ حقیقی آزادی جو جانور نیوٹرل ،جنرل باجوہ کی تاحیات توسیع سے لے کر شہباز شریف سے ہوتی ہوئی محسن نقوی اور امریکہ سے معافیوں تک پہنچی ہے ، آج حقیقی طور پر دفن ہو چکی ہے جس کا جنازہ آج رات مینارِ پاکستان میں پڑھا جائے گا ، فتنے فسادی دہشت گرد سے حقیقی آزادی دلوانے کا وقت آ گیا ہے ۔