ویب ڈیسک:کرکٹ کی تاریخ میں نئے نئے ریکارڈ ز بن رہے ہیں کہیں کوئی بیٹرز شاندار بیٹنگ کا مظاہرہ کرکے ریکارڈ قائم کررہا ہے تو کہیں کوئی بالر، مگر یہ جان کرکٹ شائقین حیران رہ جائیں گے کہ ٹی 20 فارمیٹ میں ایک منفرد ریکارڈ قائم ہوا جو اس سے پہلے نہیں تھا۔
آئیوری کوسٹ کی ٹیم ٹی 20 فارمیٹ کی تاریخ کے کم ترین اسکور 7 رنز پر ڈھیر ہوگئی،آئی سی سی ٹی 20 ورلڈکپ کوالیفائر میں مغربی افریقا کے ملک آئیوری کوسٹ کی ٹیم نے لاگوس میں نائیجیریا کے خلاف کھیلے جانے والے ٹی 20 انٹرنیشنل میں سب سے کم اسکور کا نیا ریکارڈ بنایا۔
ورلڈکپ کوالیفائر میچ میں نائیجیریا نے پہلے کھیلتے ہوئے 4 وکٹوں پر 271 رنز بنائے جس کے جواب میں آئیوری کوسٹ 7 رنز پر ڈھیر ہوگئی اور 7 بیٹرز کھاتہ بھی نہ کھول پائے,میچ میں آئیوری کوسٹ کو 264 رنز کے بڑے مارجن سے شکست کا سامنا کرنا پڑا۔