دہشتگردی کے بڑھتے واقعات ، وزیراعظم کا قومی سلامتی کمیٹی کا اجلاس بلانے کا فیصلہ

ملک میں دہشت گردی کے بڑھتے واقعات کے معاملے پر وزیراعظم شہباز شریف نے قومی سلامتی کمیٹی کا اجلاس بلانے کا فیصلہ کر لیا ہے ۔ ذرائع کے مطابق وزیراعظم شہباز شریف نے قومی سلامتی کمیٹی کا اجلاس بلانے کا فیصلہ کر لیا ہے ، اجلاس رواں ہفتے ہی بلائے جانے کا امکان ہے اور اجلاس میں اعلی سول و عسکری حکام شرکت کرینگے ۔ ذرائع کا کہنا ہے کہ اجلاس میں نیشنل ایکشن پلان پر عمل درآمد کی صورتحال کا جائزہ بھی لیا جائے گا ، بلوچستان اور خیبرپختونخوا میں دہشت گردی کی لہر میں اضافے کی وجوہات بھی زیر بحث آئیں گی ، دہشتگردی سے نمٹنے کے لیے کام کرنے والے اداروں کی کارکردگی اور مسائل کا بھی جائزہ لیا جائے گا ۔ ذرائع نے مزید بتایا کہ کالعدم تحریک طالبان پاکستان سے مذاکرات کی موجودہ صورت حال اور ماضی کے معاہدوں پر بھی عمل درآمد پر بحث ہوگی ۔