(ویب ڈیسک ) زرعی ٹیوب ویل اور 300 یونٹ تک بجلی استعمال کرنے والے صارفین کیلئے بڑی خوشخبری آگئی۔
وفاقی وزیر توانائی اویس لغاری کا زرعی ٹیوب ویل اور 300یونٹ تک بجلی استعمال کرنے والے صارفین کیلئے اہم اقدام ، ماہانہ فیول کی مد میں ایڈجسٹمنٹ کی کمی کا فائدہ اب زرعی ٹیوب ویل اور 300یونٹ استعمال کرنے والے بجلی صارفین کوبھی ملے گا۔
ترجمان پاور ڈویژن کا کہنا ہے کہ جون 2015 سے 300 یونٹ تک بجلی استعمال کرنے والے صارفین کو ماہانہ فیول ایڈجسمنٹ میں کمی کا فائدہ روک دیا گیا تھا۔دسمبر 2010سے زرعی ٹیوب ویل کو ماہانہ فیول ایڈجسمنٹ میں کمی ختم کردی گئی تھی۔
ترجمان نے بتایا ہے کہ پاور ڈویژن نے نیپرا کو اس متعلق خط لکھ دیا ہے۔ فیول کاسٹ میں کمی سے ماہانہ بلوں میں مزید کمی آئے گی۔