ویب ڈیسک:پراونشل ڈیزاسٹر مینجمنٹ اتھارٹی پنجاب نے صوبائی دارالحکومت لاہور سمیت پنجاب کے مختلف اضلاع میں ممکنہ بارشوں کے پیش نظر ہنگامی صورتحال سے نمٹنے کے لئے الرٹ جاری کر دیا ہے۔
ڈی جی پی ڈی ایم اے عرفان علی کاٹھیا نے صوبہ بھر کے ڈپٹی کمشنرز کو الرٹ رہنے کی ہدایت کردی ہے،ہنگامی صورتحال سے نمٹنے کے لیے متعلقہ محکمے الرٹ رہیں جنکہ صوبائی کنٹرول روم سمیت تمام اضلاع کے ڈسٹرکٹ ایمرجنسی آپریشن سنٹرز کو بھی الرٹ کر دیا گیا ہے۔
ڈی جی پی ڈی ایم اے نے ہدایت کی ہے کہ 1122 سمیت دیگر ریسکیو ادارے مشینری سمیت عملے کو الرٹ رہیں۔ نشینی علاقوں سے پانی کی نکاسی کو جلد از جلد ممکن بنائیں ۔شہری احتیاط کریں بجلی کے کھمبوں اور لٹکتی تاروں سے دور رہیں۔ عوام الناس کچے مکانات اور بوسیدہ عمارتوں سے دور رہیں۔بچوں کا خاص خیال رکھیں انہیں نشیبی علاقوں میں جمع پانی کے قریب ہرگز نہ جانے دی۔
ترجمان پی ڈی ایم اے کا کہنا ہے کہ شہری مدد کیلئے پی ڈی ایم اے کی ہیلپ لائن 1129 پر کال کر سکتے ہیں۔