محمد رضوان کے ہاں تیسری بیٹی کی پیدائش

قومی ٹیم کے وکٹ کیپر اور بیٹر محمد رضوان کے ہاں تیسری بیٹی کی پیدائش ہوئی ہے۔ سماجی رابطے کی ویب سائٹ ٹوئٹر پر پاکستان کرکٹ ٹیم کے وکٹ کیپر محمد رضوان نے لکھا کہ الحمد للّٰہ، اللّٰہ پاک کا بے حد کرم اور فضل ہے کہ اس نے بیٹی جیسی رحمت سے نوازا۔انہو ں نے کہا کہ اللّٰہ پاک ہم سب کو بیٹیوں کا حق ادا کرنے والا بنائے۔ پی ایس ایل کی ٹیم ملتان سلطانز نے ٹوئٹر پر محمدرضوان کے ہاں بیٹی کی پیدائش سے متعلق ٹوئٹ کی اور کپتان محمد رضوان کو مبارکباد دی۔ سوشل میڈیا پر محمد رضوان کے مداح بھی بیٹی کی پیدائش پر انہیں مبارکباد دے رہے ہیں۔