(ویب ڈیسک ) پاکستان تحریک انصاف کے رہنما عالمگیر خان کو پولیس نے گرفتار کرلیا ہے۔
تفصیلات کے مطابق پی ٹی آئی کے سابق رکن سندھ اسمبلی عالمگیر خان کو پولیس نے کراچی پریس کلب کے باہر حراست میں لے لیا ۔
فکس اٹ ٹیم کے ورکرزفلسطین سے اظہار یکجہتی کے لیے پریس کلب آئے تھے۔ عالمگیر سمیت چار افراد کو پولیس نے حراست میں لیا ہے۔
خیال رہے کہ دو روز قبل اسلام آباد پولیس نے آبپارہ چوک پر سابق سینیٹر مشتاق احمد کی قیادت میں فلسطین کے حق میں نکالی گئی ریلی کے شرکا کو امریکی سفارتخانے جانے سے روک دیا۔ اس دورن پولیس اور مظاہرین کے درمیان جھڑپ بھی ہوئی۔ پولیس نے سینیٹر مشتاق سمیت 20 لوگوں کو گرفتار کر لیا۔