(ویب ڈیسک ) افغانستان اے کی ٹیم نے پہلی بار ایمرجنگ ٹی ٹوئنٹی ایشیا کپ کا ٹائٹل اپنے نام کرلیا۔
الامارات میں کھیلے گئے فائنل میچ میں سری لنکا اے نے ٹاس جیت کر پہلے بیٹنگ کا فیصلہ کیا۔ سری لنکا اے نے مقررہ 20 اوورز میں 7 وکٹوں کے نقصان پر 133 رنز بنائے۔
سری لنکا اے کی آدھی ٹیم 65 رنز پر آؤٹ ہوگئی تھی تاہم ساہان نے ناقابل شکست 64 رنز بنائے اور ٹیم کا سکور 133 رنز تک پہنچا دیا۔
افغانستان اے کی جانب سے صدیق اللہ اتل کے شاندارناقابل شکست 55 رنز کی بدولت افغانستان اے نے مطلوبہ ہدف11 گیندوں قبل 3 وکٹوں کے نقصان پر حاصل کرلیا۔
یاد رہے کہ افغانستان اے نے پہلی مرتبہ ایمرجنگ ٹی ٹوئنٹی ایشیا کپ کی ٹرافی جیتی ہے۔