قومی ٹیم بھارت کیخلاف میچ میں سیاہ پٹیاں باندھ کر میدان میں اترے گی

11:42 AM, 28 Aug, 2022

احمد علی
پاکستان کرکٹ ٹیم آج ایشیا کپ کے پہلے میچ میں سیاہ پٹیاں باندھ کر میدان میں اترے گی ، سیاہ پٹیاں باندھنے کا مقصد پاکستان میں سیلاب متاثرین کے ساتھ اظہار یکجہتی کرنا ہے . قومی کرکٹ ٹیم کے کپتان بابر اعظم نے بھی گزشتہ روز پریس کانفرنس میں سیلاب متاثرین کی امداد کا اعلان کیا تھا. بابر اعظم نے تمام افراد سے متاثرین کی مدد کی اپیل بھی کی تھی. ایشیا کپ کے پہلے میچ میں کھلاڑیوں اور منیجمنٹ کا سیاہ پٹیاں باندھنا بھی اسی کی ایک کڑی ہے. ٹیم منیجر منصور رانا کا کہنا تھا کہ مخیر حضرات سے درخواست ہے کہ وہ پرائم منسٹر ریلیف فنڈ میں عطیات جمع کروائیں. یاد رہے کہ پاکستان اور بھارت کے درمیان ایشیا کپ کا میچ آج پاکستانی وقت کے مطابق شام 7 بجے دبئی کرکٹ اسٹیڈیم میں کھیلا جائے گا۔
مزیدخبریں