کراچی : شارع فیصل پر شیر کے ٹہلنے کی ویڈیو وائرل

کراچی میں شارع فیصل پر شیر کے ٹہلنے کی ویڈیو وائرل ہوگئی ہے۔ تفصیلات کے مطابق کراچی شارع فیصل پر عائشہ باوانی کالج کے قریب شیر سڑک پر آگیا، شیر ٹہلتا ہوا ایک عمارت کی پارکنگ میں داخل ہوگیا۔ پولیس اہلکار موقع پر پہنچ گئے جبکہ شہریوں کا بھی رش ہے۔ پولیس کا کہنا ہے کہ گاڑی سے منتقل کیے جانے والا شیر باہر نکل آیا ہے۔پولیس نے گاڑی کے ڈرائیور کو حراست میں لے لیا۔ لوگوں کو عمارت کی پارکنگ میں داخل ہونے سے روک دیا گیا۔