ملاوٹ شدہ بیسن پہچاننے کا طریقہ

لاہور: (ویب ڈیسک) بیسن صحت کے لیے فائدہ مند سمجھا جاتا ہے۔ اس کے ذریعے ہم اپنے گھروں میں کئی ٹیسٹ ڈشز تیار کرتے ہیں، لیکن کیا آپ کو معلوم ہے کہ بازار میں ملاوٹ شدہ چنے کا آٹا بھی دستیاب ہے، جسے کھایا جائے تو نقصان دہ ہو سکتا ہے۔ رمضان کی آمد آمد ہے اور اس ماہ مبارک میں افطار کیلئے پکوڑوں اور سموسوں کا استعمال بڑھ جاتا ہے جو عموماً بیسن سے بنائے جاتے ہیں۔ لیکن مارکیٹ میں ملنے والے چنے کے آٹے میں بھی ملاوٹ ہوتی ہے۔ آج کل بازار میں فروخت ہونے والی ہر چیز میں ملاوٹ ہے جس میں چنے کا آٹا بھی شامل ہے۔ مارکیٹ میں چنے کے آٹے کے بہت سے برانڈز دستیاب ہیں۔ ہر کوئی گارنٹی دیتا ہے لیکن گاہک کو یہ معلوم نہیں ہوتا کہ وہ جو خرید رہا ہے وہ خالص ہے یا ملاوٹ شدہ۔ آج ہم آپ کو اصلی اور نقلی چنے کے آٹے میں فرق بتا رہے ہیں۔ جعلی چنے کے آٹے کی پہچان کیسے کریں؟ چنے کا آٹا اصلی ہے یا نقلی یہ جاننے کے لیے ایک برتن میں 3 سے 4 چمچ چنے کے آٹے کو پانی میں گھول لیں۔ گلنے کے بعد اس مکسچر میں ایک سے دو چمچ ہائیڈروکلورک ایسڈ ڈالیں اور کچھ دیر کے لیے چھوڑ دیں۔ کچھ دیر بعد اگر چنے کا آٹا کسی اور رنگ کا نظر آئے تو سمجھ لیں کہ چنے میں ملاوٹ ہے۔ لیموں کے ذریعے چیک کریں لیموں کا رس اور ہائیڈروکلورک ایسڈ کا مرکب تیار کریں۔ اب اس آمیزے کو چنے کے آٹے پر ڈالیں اور کچھ دیر کے لیے چھوڑ دیں۔ اگر چنے کا آٹا سرخ، بھورے رنگ میں نظر آئے تو سمجھ لیں کہ چنے کے آٹے میں ملاوٹ ہے۔