ویب ڈیسک: لاہور پریس کلب کے انتخابات میں ارشد انصاری صدر جبکہ زاہد عابد سیکرٹری منتخب ہوگئے۔ پریس کلب کے سالانہ انتخابات میں جرنلسٹ پروگریسیو الائنس نے15 میں سے9 نشستیں جبکہ پائنیرز، پروگریسو، فرینڈز، ایمپرا گرینڈ الائنس نے5 نشستیں جیتی ہیں۔ گورننگ باڈی کی ایک سیٹ آزار امیدوار لے اُڑا۔
تفصیلات کےمطابق لاہورپریس کےسالانہ انتخابات کے نتائج کے مطابق جرنلسٹ پروگریسو الائنس کے ارشد انصاری1108 ووٹ لیکر صدر کے عہدے پر قائم رہے، جبکہ پائنیر پروگریسو الائنس کے بابر ڈوگر نے818 اورانصاف گروپ کے احسن ضیاءنے26 ووٹ حاصل کئے۔ جرنلسٹ پروگریسو الائنس کےافضال طالب1123 ووٹ لیکر سینئر نائب صدر منتخب ہوگئے۔
پائنیر پروگریسو الائنس کی صائمہ نواز989 ووٹ لیکر نائب صدرمنتخب ہوئیں جبکہ امجدعثمانی873، علی جعفری نے 61 ووٹ حاصل کئے۔
سیکرٹری کی نشست پر جرنلسٹ پینل کےزاہدعابد نے904 ووٹ لیکر فتح سمیٹی جبکہ زاہد شیروانی616، جعفربن یارنے375 ووٹ حاصل کئے، جرنلسٹ پروگریسو پینل کے عمران شیخ 764 ووٹ لیکرجوائنٹ سیکرٹری منتخب ہوگئے۔ خزانچی کی نشست پر جرنلسٹ پینل کے سالک نواز نےسب سےزیادہ 1163 ووٹ لیکر میدان مارا۔
گورننگ باڈی میں مدثرشیخ825 ووٹ لیکر پہلے، سید بدرسعید 678 ووٹ کیساتھ دوسرے اور خوجہ سرمدفرخ 675 ووٹ لیکرتیسرے نمبر پر رہے۔ رانا شہزاد673 ووٹ لیکر چوتھے، شاہدہ بٹ619 ووٹ کیساتھ پانچویں، محبوب چودھری605 ووٹ کیساتھ چھٹے، شاکر محموداعوان579 ووٹ کیساتھ ساتویں، آزاد امیدواراسدمحمودگُڈو576 ووٹ کیساتھ آٹھویں اورالفت مغل574 ووٹ کیساتھ نویں نمبرپربراجمان رہے۔
لاہور پریس کلب کے مجموعی2625 ممبرز میں سے1960 نے اپنا حق رائے دہی استعمال کیا۔
وزیراعلیٰ پنجاب کی پریس کلب کے نومنتخب عہدیداران کو مبارکباد:
وزیراعلیٰ پنجاب مریم نواز شریف نے لاہور پریس کلب کاصدر منتخب ہونے پر ارشد انصاری اور دیگر عہدیداروں کو مبارکباد پیش کی ہے۔ وزیراعلیٰ مریم نواز شریف نے لاہور پریس کلب کے نو منتخب عہدیداروں کے لئے نیک تمناؤں کا اظہار کیا ہے۔
مریم نواز نے کہا کہ امید ہے صدر اور دیگر عہدیدار لاہورکی صحافی برادری کی فلاح وبہبود کے لئے تمام تر صلاحیتیں بروئے کار لائیں گے۔
حمزہ شہباز کی مبارکباد:
سابق وزیراعلی پنجاب و نائب صدر مسلم لیگ ن حمزہ شہباز شریف نے لاہور پریس کے صدر ارشد انصاری سمیت دیگر نو منتخب عہدیداران کو مبارکباد دی۔ اپنے بیان میں انہوں نے کہا کہ پیشہ ورانہ صحافت کسی بھی قوم کے شعور کی آبیاری میں کلیدی کردار ادا کرتی ہے۔ امید ہے نو منتخب عہدیداران صحافیوں کی فلاح و بہبود کے لیے مزید اقدامات کریں گے۔
وفاقی وزیر اطلاعات عطاءاللہ تارڑ نے بھی لاہور پریس کلب کے نومنتخب عہدیداران کو مبارکباد دی۔
وفاقی وزیر اطلاعات نے ارشد انصاری کو صدر، زاہد عابد کو سیکریٹری، افضال طالب کو سینئر نائب صدر اور صائمہ نواز کو نائب صد، عمران شیخ کو جوائنٹ سیکریٹری اور سالک نواز کو فنانس سیکریٹری منتخب ہونے پر مبارکباد دی۔ وفاقی وزیر اطلاعات نے نومنتخب گورننگ باڈی کے ارکان کو بھی مبارکباد دی۔
اپنے بیان میں انہوں نے کہا کہ مسلم لیگ (ن) کی حکومت آزادی اظہار رائے اور آزادی صحافت پر کامل یقین رکھتی ہے۔ لاہور کی صحافی برادری کا آئین و قانون کی بالادستی اور جمہوری روایات کے لئے اہم کردار ہے۔ پریس کلب صحافیوں کی مضبوط آواز ہے، پریس کلب نے ہمیشہ عوام کے مسائل ایوانوں تک پہنچائے۔ امید ہے لاہور پریس کلب کی نومنتخب قیادت صحافیوں کی فلاح و بہبود کے لئے اپنا کردار ادا کرے گی۔
وزیراطلاعات پنجاب کی نومنتخب عہدیداروں کو مبارکبار:
وزیر اطلاعات پنجاب عظمی بخاری نے لاہور پریس کلب کے نومنتخب عہدیداروں کو مبارکباد دی ہے۔
عظمیٰ بخاری نے نومنتخب صدر ارشد انصاری اور سیکرٹری زاہد عابد کو مبارکباد پیش کی۔ انہوں نے لاہور پریس کلب کے تمام عہدیداران اور گورننگ باڈی کو بھی جیت کی مبارکباد دی۔
اپنے بیان میں ان کا کہنا تھ اکہ ارشد انصاری اور ان کے پینل کی جیت صحافیوں کے لیے بھی نیک شگون ثابت ہوگی۔ لاہور پریس کلب اور پنجاب حکومت کا آپس میں گہرا تعلق ہے۔ لاہور پریس کلب کا جمہوریت کے لیے جدوجہد اور مضبوطی میں بنیادی رول ہے۔ امید ہے نومنتخب عہدیداروں صحافیوں کی فلاح و بہبود کے لیے دل و جان سے محنت کریں گے۔