(ویب ڈیسک ) بھارتی شہری کی گھر کو کاروں ، موٹر سائیکل کے اسپیئر پارٹس سے سجانے کی ویڈیو وائرل ہوگئی۔
گاڑیوں کے شوقین بھارتی ریاست کیرالہ کے شہری کی جانب سے فوٹوز اینڈ ویڈیوز شیئرنگ ایپ انسٹاگرام پر ایک ویڈیو شیئر کی گئی ہے جس میں اس نے اپنے گھر کے مختلف حصوں کو دکھایا ہے۔
ویڈیو میں دیکھا جا سکتا ہے کہ گھر کے مالک نے عام چیزوں کو دوبارہ استعمال کرتے ہوئے انہیں نیا روپ دیا ہے۔ مثال کے طور پر ایک کار کو صوفے میں تبدیل کیا گیا ہے، جبکہ ایک اسکوٹر کے ہینڈل سے لائٹ بنائی گئی ہے۔
ویڈیو میں دکھایا گیا ہے کہ گھر کے بیڈروم، ڈرائنگ روم اور کوریڈور کے حصوں میں مختلف گاڑیوں کے پارٹس سجائے گئے ہیں جنہیں روزمرہ کی چیزوں کے طور پر بھی استعمال کیا جاتا ہے۔
ویڈیو میں بھارتی شہری نے اپنے گھر کا وزٹ کرواتے ہوئے بتایا کہ وہ گاڑیوں کا بہت شوقین ہے اس لیے اس نے گھر کو بھی مختلف پارٹس سے سجادیا ہے، گھر میں ایسی مزید تخلیقی چیزیں بھی موجود ہیں، جنہیں دیکھنے والوں نے خوب سراہا۔