’بھارت کیخلاف میچ کے روز بابراعظم کی والدہ ونٹیلیڑرپر تھیں‘

لاہور ( پبلک نیوز) بھارت کے خلاف میچ کے روز بابراعظم کی والدہ ونٹیلیڑرپر تھیں اُن کا آپریشن ہوا تھا۔ قومی کرکٹ ٹیم کے کپتان بابراعظم کے والد اعظم صدیقی کا انکشاف۔ بابراعظم کے والد اعظم صدیقی نے کہا کہ میں اپنی قومی کو ایک سچ بتانا چاہتا ہوں، ہمارے گھر پر بڑا امتحان تھا۔ جس دن بھارت کے خلاف پاکستان میچ کھیل رہا تھا اسی دن بابراعظم کی والدہ آپریشن کے بعد ونٹیلیٹر پر تھیں۔ ویڈیو اینڈ فوٹو شیرئنگ ایپ انسٹاگرام پر اعظم صدیقی نے اپنی اہلیہ اور بیٹوں کے تصاویر شیئر کیں۔ انہوں نے کہا کہ بابر تینوں میچ پریشانی میں کھیلا، اب ان کی طبیعت بہتر ہے۔ یہاں آنا بنتا نہیں تھا مگر بابر کی حوصلہ افزائی کے لیے میں دبئی آ گیا۔ میری بات شیئر کرنے کا مقصد تھا کہ خدارا اپنے قومی ہیروز کو بلا وجہ تنقید کا نشانہ نا بنایا کریں۔ انہوں نے ٹی ٹوئنٹی ورلڈ کپ میں پاکستان کی جیت کی ہیٹرک پر پوری قومی کو مبارک باد بھی پیش کی۔