ویب ڈیسک: بھارت میں 5 سالہ لڑکے کے ساتھ اجتماعی زیادتی کے بعد ملزمان نے ویڈیو بناکر انٹرنیٹ پر ڈال دی۔
بھارتی میڈیا کے مطابق واقعہ 19 ستمبر کو پیش آیا لیکن لڑکے سے اجتماعی زیادتی کی تصدیق کے بعد یہ خبر میڈیا میں آئی۔
پولیس کا بتانا ہےکہ 5 سالہ بچے کو دو لوگوں کی جانب سے اجتماعی زیادتی کا نشانہ بنایا گیا جو ہسپتال میں زیر علاج تھا، جب 26 ستمبر کو اس کی حالت مزید بگڑی تو بچے سے جسم پرموجود زخموں کے بارے میں پوچھ گچھ کی گئی جس پر اس نے واقعے کی تفصیل بتائی۔
پولیس کے مطابق بچے کے اہلخانہ نے بتایا کہ جنید اور عرش نامی افراد نے اس کے ساتھ زیادتی کی، بچے کو گھر سے لیا اور قریب موجود ایک فارم میں زیادتی کا نشانہ بنایا جہاں مزید 2 ملزمان رضوان اور الفیض بھی موجود تھے جنہوں نے واقعے کی ویڈیو بنائی اور انٹرنیٹ پر جاری کی۔
پولیس کے مطابق متاثرہ بچے کے اہلخانہ کے کچھ افراد جب ملزمان کی شکایت کرنے ان کے گھر پہنچے تو ملزمان نے ان لوگوں کو بھی تشدد کا نشانہ بنایا اور وہاں سے نہ جانے کی صورت میں قتل کی دھمکی دی۔
پولیس کا کہنا ہےکہ شکایت ملنے کے بعد واقعے کا مقدمہ درج کرلیا گیا ہےاور ملزمان کی تلاش شروع کردی گئی ہے۔