’مسٹر اینڈ مسز صہیب ! براہِ مہربانی دوبارہ خنجراب نہ آئیں‘

اسلام آباد(ویب ڈیسک)‌ سیاحوں کے لیے پرکشش مقام پاک چین بارڈر خنجراب پر ایک انوکھا واقعہ دیکھنے کو ملا جب ایک جوڑے نے اپنے یہاں‌آنے کی نشانی لگانے کے لیے وال چاکنگ کی.

مسٹر اینڈ مسز صہیب نے نامعقول حرکت کرتے ہوئے ایک دیوار پر لکھا کہ ہم دونوں یہاں پر تھے، معاملے پر ردعمل دیتے ہوئے پاکستان ٹوررزم نامی ٹوئٹر ہینڈل نے اس جانب توجہ مبذول کرائی اور لکھا کہ ازراہ کرم اس وقت تک یہاں پر دوبارہ نہ آئیے جب تک آپ بنیادی اخلاقات اور آداب نہ سیکھ جائیں.

واضح رہے کہ مقامی انتظامیہ کی جانب سے بارہا یہ درخواست کی جاتی ہے کہ وہ سیاحتی مقامات پر آنے والے افراد قیام کے دوران کسی قسم کی آلودگی نہ پھیلائیں اور نہ ہی قواعد اور ضوابط کی خلاف ورزی کریں. سابق اوورسیز ایڈوائزر سید ذوالفقار بخاری نے بھی معاملے پر ردعمل دیا، انکا کہنا تھا کہ امید ہے کہ جوڑا دوبارہ اس جگہ کا وزٹ نہیں‌ کرئے گا، ہم یہی چاہتے ہیں. سوشل میڈیا صارفین نے بھی معاملے پر شدید ردعمل دیا اور جوڑے کو ڈھونڈنے کا مطالبہ کیا. سوشل میڈیا صارفین نے جوڑے کے لیے سزاء تجویز کی کہ انہیں دوبارہ یہاں لا کر ان سے یہ لکھا ہوا فقرہ مٹوایا جائے.

اس خبر پر اپنی رائے کا اظہار کریں

اپنا تبصرہ بھیجیں