افغان کرکٹر نے امن کیلئے عالمی رہنماؤں سے مدد مانگ لی

کابل ( ویب ڈیسک ) افغانستان کی کرکٹ ٹیم کے کپتان راشد خان نے عالمی برادری سے مدد مانگ لی ، ہمیں اس حال اکیلا نہ چھوڑیں ، افغانستان انتشار کا شکار ہے، میرے ملک میں امن ہونا چاہئے ، میرا ملک افراتفری کا شکار ہے۔

سوشل میڈیا پر اپنے ایک درد ناک پیغام میں لکھا کہ دنیا کے پیارے رہنماؤ !میرا ملک افراتفری کا شکار ہے، بچوں اور خواتین سمیت روزانہ ہزاروں بے گناہ لوگ کا قتل عام ہو رہا ہے، جائیدادیں اور گھر تباہ ہو رہے ہیں، ہزار خاندان بے گھر ہو گئے ہیں، ہمیں اس افراتفری میں اکیلا نہ چھوڑیں، افغانیوں کو قتل کرنا اور افغانستان کو تباہ کرنا بند کریں ۔ ہم امن چاہتے ہیں۔

ایک دوسری ٹویٹ میں راشد خان نے لکھا کہ افغانستان میں جاری جنگ نے انسانیت دوستی کا بحران پیدا کر دیا ہے۔ اس موقع پر راشد خان نے دنیا بھر کی عوام سے اپیل کی کہ وہ مجبور افغان خاندانوں کی امداد کرنا چاہ رہے ہیں اور اس سلسلہ میں انہیں فنڈز کی ضرورت ہے۔

اس خبر پر اپنی رائے کا اظہار کریں

اپنا تبصرہ بھیجیں