کابل (پبلک نیوز) روسی میڈیا کے مطابق کابل ائیرپورٹ پر امریکی فوج کی فائرنگ سے متعدد ہلاکتوں کا خدشہ ہے، امریکی فوج نے ائیرپورٹ کے ٹارمک پر موجود ہزاروں افراد کو منتشر کرنے کے لئے فائرنگ کی.
روسی خبر رساں ادارے کےمطابق کابل ایئر پورٹ پر امریکی فوج کی فائرنگ سے متعدد افراد کو گولیاں لگیں،اطلاعات کے مطابق 5 افراد اس فائرنگ میں ہلاک ہوئے۔ واضح رہے کہ کابل ائیرپورٹ پر افغانستان چھوڑنے کے خواہشمندوں کا رش دیکھا گیا ہے، جس کے بعد ہجوم کو منتشر کرنے کے لیے امریکی فوج کی جانب سے ہوائی فائرنگ کی گئی، ہوائی اڈے کو عوام کے لیے بند کر دیا گیا ہے۔
Another day begins in Kabul, a sea of people rushing into the Kabul airport terminal. #AFG pic.twitter.com/UekpGJ2MWd
— Jawad Sukhanyar (@JawadSukhanyar) August 16, 2021
میڈیا رپورٹس کے مطابق کابل ایئر پورٹ پر اس وقت لگ بھگ سات ہزار افراد اپنے خاندانوں کے ہمراہ موجود ہیں اور وہ ہر صورت میں افغانستان سے نکلنا چاہتے ہیں جبکہ ائیر پورٹ کے اطراف سے اب بھی مسلسل فائرنگ کی آوازیں آ رہی ہیں، امریکی دفتر خارجہ کا کہنا ہے کہ کابل ائیرپورٹ کو محفوظ بنانے کے لئے اقدامات کئے جا رہے ہیں.
خیال رہے گزشتہ روز افغانستان سے دو خصوصی پروازیں بڑی تعداد میں غیرملکیوں کو لے کر پاکستان پہنچی تھیں جس میں افغان حکام بھی شامل تھے جب کہ آج پی آئی اے نے سکیورٹی خدشات کے باعث اپنا آپریشن معطل کردیا ہے۔
