ٹی وی شو کے دوران حریم شاہ کی مفتی قوی کو فون کرنے کی ویڈیو بھی وائرل

ویب ڈیسک : گزشتہ روز سے حریم شاہ کی ایک ویڈیو وائرل ہو رہی ہے جس میں انہوں نے وفاقی وزیر داخلہ کو لائیو پروگرام کے دوران کال ملا تھی. تاہم اب اسی پروگرام کا ایک اور ٹیزر سامنے آیا ہے جس میں حریم شاہ مفتی قوی کو فون کال ملا رہی ہیں.

ٹک ٹاکر حریم شاہ ان دنوں پھر میڈیا کی زینت بنی ہوئی ہیں۔ انہوں نے ایک یوٹیوب چینل ”ناشپاتی پرائم” کے پروگرام میں وفاقی وزیر داخلہ شیخ رشید احمد کو کال کردی تھی۔ انہوں نے اپنے موبائل میں ان کا نمبر ”شیخو” کے نام سے محفوظ کیا ہوا ہے۔پروگرام کے اینکر نے حریم شاہ سے پوچھا کہ آپ کو لگتا ہے کہ اگر ابھی شیخ رشید کال کریں تو وہ فون پر بات کر لیں گے؟ اس کا جواب دیتے ہوئے خاتون ٹک ٹاکر نے کہا کہ ابھی کرکے دیکھ لیتے ہیں۔

دلچسپ صورتحال اس وقت پیدا ہوئی جب حریم شاہ نے شیخ رشید کو فون ملایا تو انہوں نے فوری طور پر کال اٹھا لی اور کہا کہ تھوڑی دیر بعد بات کریں، میں اس وقت مصروف ہوں لیکن حریم شاہ نے انھیں پیار سے کہا کہ نہیں مجھے ابھی بات کرنی ہے۔

اس پر شیخ رشید تھوڑا غصے میں آئے اور کہا کہ میں ابھی آپ سے بات نہیں کر سکتا، لیکن حریم شاہ بضد رہیں اور کہا کہ نہیں ابھی بات کریں، یہ سنتے ہی وزیر داخلہ غصے میں آگئے اور کہا کہ بکواس نہ کریں اور فون بند کر دیں۔

مذکورہ پروگرام کا ایک اور ٹیزر سامنے آیا جس میں حریم شاہ مفتی قوی کو فون کال کرتی ہوئی نظر آتی ہیں.

واضح رہے کہ ناشپاتی پرائم ایک یوٹیوب چینل میں جس میں مختلف شخصیات کو مدعو کرکے ان کے انٹرویوز کئے جاتے ہیں۔ یہ مزاحیہ پروگرام ہے۔ اس میں ہلکے پھلکے انداز میں دوسروں کا مذاق بنایا جاتا ہے۔ اس بات کی کوئی گارنٹی نہیں ہے کہ حریم شاہ نے واقعی وزیر داخلہ کو ہی پروگرام کے دوران فون کیا تھا یا ان کے موبائل میں وائس چینجر لگا ہوا ہے۔

اس خبر پر اپنی رائے کا اظہار کریں

اپنا تبصرہ بھیجیں