19

وزیر اعظم نے اپوزیشن کا چیلنج قبول کرنے کی ہدایت کر دی

اسلام آباد(پبلک نیوز) وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں بتایا کہ انہوں نے این اے 75 میں ری پولنگ کے لئے پارٹی امیدوار کو اپوزیشن کا چیلنج قبول کرنے کی ہدایت کر دی ہے۔

وزیر اعظم پاکستان نے ٹویٹ کیا کہ ہم نے ہمیشہ شفاف اور آزادانہ الیکشن کی حمایت کی ہے۔ انہوں نے بتایا کہ ڈسکہ سے پاکستان تحریک انصاف کے امیدوار اسجد ملہی کو 20  پولنگ سٹیشنز میں ری پولنگ کی درخواست دینے کی بھی ہدایت کی ہے۔

وزیر اعظم نے کہا کہ ایسا اس لئے کیا کہ ہم وہی شفافیت چاہتے ہیں جس کے حصول کیلئے ہم سینٹ انتخابات میں “اوپن بیلٹ” کا تقاضا کررہے ہیں۔

اس خبر پر اپنی رائے کا اظہار کریں

اپنا تبصرہ بھیجیں