’پری زاد ‘کا مہنگا ترین گھر فروخت کے لئے پیش کردیا گیا

ان دنوں مقبول ڈرامہ ‘پری زاد’ میں دکھائے جانے والے عالیشان گھر، قیمتی گاڑیوں کا اصل مالک سامنے آگیا۔

ڈرامہ میں دکھائے جانے والے عالیشان گھر اور لگژری گاڑیوں کے اصل مالک عثمان طفر چیمہ ہیں جو کہ اسلام آباد گلبرگ گرین میں رہائش پزید ہیں۔

عثمان طفر چیمہ نے اردو پوائنٹ کو انٹرویو دیتے ہوئے بتایا کہ یہ گھر 2018 میں بنایا تھا یہ سارا ایریا نیا تعمیر ہوا ہے، ڈرامے کے بعد یہاں مزید رونق ہوچکی ہے، اتوار کو لوگ درخواست کرتے ہیں کہ ہم نے ‘پری زاد’ کا گھر دیکھنا ہے۔

عالیشان گھر پری زاد کو اپنا مالک تحفے میں دیتا ہے—اسکرین شاٹ یوٹیوب ہم ٹی وی

انہوں نے بتایا کہ یہ گھر 10 کنال پر محیط ہے اس کو فروخت کے لئے رکھاہے اور 60 کروڑ قیمت لگائی ہوئی ہے، اس میں 14 کمرے ہیں اور ڈرامے کے بعد اس کو فروخت کے لئے لگایا گیا ہے،ایک گاڑی بھی سیل کرنی ہے جو اسی ڈرامے میں’پری زاد’ کے گارڈز کے زیر استعمال تھی۔

گھر کی قیمت 60 کروڑ روپے لگائی گئی ہے—اسکرین شاٹ یوٹیوب ہم ٹی وی

اپنی قیمتی گاڑیوں کے بارے بات کرتے کہا کہ ریج اوور،لینڈ کروزر،حمر اور لگسز ادھر ہی استعمال کی گئی، ان میں سے ایک گاڑی حمر میں فروخت کررہا ہوں،اور میری والدہ مجھے سے بار بار کہتی کہ اتنے لوگ ہیں ان کو کھانا بھی کھایا تو اس ‘پری زاد’ ڈرامے کی ٹیم کا کہناتھا کہ اس کے لئے شکریہ، ہم 60،50 لوگ ہیں آپ سے سارا انتظام نہیں ہوگا جس پر مجھے شرمندگی ہوئی۔

عثمان طفر چیمہ نے کہا کہ 11 ویں قسط پر میرا گھر دکھایا گیا تو لوگوں نے مجھے فون کرکے بتایا کہ آپ کا گھر ڈرامے میں دکھایا جارہا ہے اس وقت میں کینڈا تھا اور اس کے بعد سے میں نے ڈرامہ دیکھنا شروع کیا، انڈین سٹار کترینہ کیف بھی اس کو دیکھتی ہے۔

اس خبر پر اپنی رائے کا اظہار کریں

اپنا تبصرہ بھیجیں