وزیر اطلات مریم اورنگ زیب نے کہا ہے کہ پاکستان تحریک انصاف (پی ٹی آئی ) الیکشن نہیں ملک میں انتشار چاہتی ہے ، تمام سیاسی جماعتوں کی مشاورت سے انتخابات کا فیصلہ ہوگا ۔
مائیکرو بلاگنگ ویب سائٹ ٹوئٹر پر وزیر اطلات مریم اورنگ زیب نے کہا کہ ‘عوام سب جانتے ہیں اپنے مجرم کو پہچانتے ہیں ، معاشی تباہی کا چہرہ صرف عمران خان ہیں ، نواز شریف اور شہباز شریف کے دور میں ہمیشہ مہنگائی اور کرپشن کم ہوئی ہے، نوازشریف ، شہبازشریف اور پاکستان مسلم لیگ (ن) نے ہمیشہ عوام کو ریلیف دیا ہے۔
مریم اورنگ زیب کا کہنا تھا کہ ‘پی ٹی آئی الیکشن نہیں ملک میں صرف انتشار چاہتی ہے ، پاکستان جمہوری ملک ہے، اس میں قومی سیاسی عوامی جماعتیں ہیں، ان کی مشاورت سے انتخابات کا فیصلہ ہوگا ۔
ان کا مزید کہنا تھا کہ عمران صاحب جھوٹ بولنے سے ، دھمکی دینے سے ، گالی دینے سے حقیقت نہیں چھپتی ۔ عوام سب جانتی ہے اصل معاشی تباہی ، بے روزگاری بھوک کا مجرم عمران خان ہیں .
