اسلام آباد: سابق وفاقی وزیر شیریں مزاری کی گرفتاری پر ان کی بیٹی کا کہنا ہے کہ میری والدہ کو گرفتار نہیں اغوا کیا گیا ہے ، یہ حکومت ایسی حرکتیں کرے گی تو میں ان کے پیچھے آؤں گی۔
سماجی رابطے کی ویب سائٹ ٹوئٹر پر شیریں مزاری کی گرفتاری پران کی بیٹی ایمان مزاری نے درعمل دیتے ہوئے کہا ہے کہ مرد پولیس اہلکار میری والدہ کو مارتے ہوئے ساتھ لے گئے۔
Male police officers have beaten and taken my mother away. All I have been told is that Anti Corruption Wing Lahore has taken her.
— Imaan Zainab Mazari-Hazir (@ImaanZHazir) May 21, 2022
انہوں نے ٹویٹ میں کہا کہ مجھے صرف یہ بتایا گیا کہ گرفتار کرنے والے اینٹی کرپشن ونگ لاہور کے اہلکار ہیں۔
ایمان مزاری نے میڈیا سے گفتگو کرتے ہوئے کہا کہ میری والدہ کو گرفتار نہیں اغوا کیا گیا ہے، یہ حکومت ایسی حرکتیں کرے گی تو میں ان کے پیچھے آؤں گی، میری والدہ کو جبراً لاپتا کیا گیا ہے۔
اس سے قبل تحریک انصاف کی سینئر ترین رہنما شیریں مزاری کو گرفتار کر لیا گیا تھا۔ اینٹی کرپشن کی ٹیم ان کو گرفتار کرنے اسلام آباد پہنچی تھی۔پی ٹی آئی کی جانب سے الزام لگایا گیا ہے کہ شیریں مزاری کو ان کے گھر کے باہر سے اٹھایا گیا ہے۔
