پی ٹی آئی رہنمائوں کے گھروں پر پولیس کی چھاپے

تحریک انصاف کے رہنمائوں اور کارکنوں کیخلاف مختلف شہروں میں کارروائیاں شروع کر دی گئی ہیں۔ فیصل آباد، لاہور، ملتان، سیالکوٹ اور جہلم سمیت دیگر شہروں میں کارکنوں اور لیڈرشپ پر چھاپوں کی اطلاعات ہیں۔

لیہ سے سابق ایم این اے اور سینئر بزرگ سیاستدان ملک نیاز احمد جکھڑ کو رات گئے گرفتار کر لیا گیا ہے۔ فیصل آباد میں پی ٹی آئی کی رکن صوبائی اسمبلی فردوس رائے کے گھر پر پنجاب پولیس نے آدھی رات کو ریڈ کیا اور انھیں ساتھ لے گئے۔

پولیس کی بھاری نفری نے لاہور کے علاقے گارڈن ٹائون میں سابق وفاقی وزیر حماد اظہر کے گھر بھی چھاپہ مارا تو اس وقت ڈاکٹر یاسمین راشد سمیت دیگر رہنما موجود تھے۔

پولیس اہلکاروں نے ڈاکٹر یاسمین راشد کو گرفتار کرنے کی کوشش کی تو وہ سخت احتجاج کرتے زمین پر بیٹح گئیں اور ساتھ جانے سے انکار کردیا۔ اس موقع کی ویڈیو سوشل میڈیا پر وائرل ہو چکی ہے۔

سابق وفاقی وزیر حماد اظہر نے بعد ازاں اپنی ٹویٹ میں بتایا کہ پولیس کی بھاری نفری میرے گھر اب بھی موجود ہے اور باہر جمع کارکنوں کو گرفتار کر رہی ہے۔

خیال رہے کہ پی ٹٰ آئی نے حکومت کیخلاف 25 مئی کو اسلام آباد لانگ مارچ کا اعلان کر رکھا ہے۔ پی ٹی آئی ذرائع کا کہنا ہے کہ پولیس نے اب تک صرف لاہور سے ان کے سینکڑوں کارکنوں کو گرفتار کر لیا ہے۔

خبریں ہیں کہ پنجاب پولیس نے ڈاکٹڑ بابر اعوان، ملک اشتیاق، صدیق مہر، فرخ جاوید مون، سعدیہ سہیل، یاسر گیلانی، چودھری اخلاق، ڈاکٹر فردوس عاشق اعوان اور عثمان ڈار سمیت دیگر اہم رہنمائوں اور کارکنوں کی رہائشگاہوں پر بھی چھاپے مارے۔

سابق وزیر اطلاعات فواد چودھری نے اپنی ٹویٹ میں لکھا کہ اسلام آباد میں میرے گھر کی نگرانی کی جا رہی ہے اور چھاپے کی پلاننگ ہے۔ حالات کے پیش نظر میں نے گھر چھوڑ دیا ہے اور اب جہلم پہنچوں گا۔

اس خبر پر اپنی رائے کا اظہار کریں

مزید پڑھیں

جعلی بھرتیوں کا کیس: عدالت کا پرویز الہیٰ کو جوڈیشل ریمانڈ پر جیل بھیجنے…
شرپسندوں کو شناخت کے بعد ہی گرفتار کیا گیا ہے، آئی جی پنجاب
پی ٹی آئی کے تمام ورکرز کو میسج ہے کہ ظلم کیخلاف کھڑے ہوجائیں…
نادرا اب 30 شہروں میں پاسپورٹ بھی بنائے گا
190 ملین پاونڈز کیس: نیب نے 22اہم رہنماوں کیخلاف تحقیقات تیز کر دیں
وزیراعظم نے صدر ایردوان کے صدر بننے پر خصوصی بورڈ پر تہنیتی پیغام لکھا

اپنا تبصرہ بھیجیں