لاہور:مسلم لیگ (ن) کی نائب صدر مریم نواز کا عمران خان کے لانگ مارچ میں 20 لاکھ افراد کی شرکت سے متعلق سوال اٹھا دیا ، سماجی رابطے کی ویب سائٹ ٹوئٹر پر جاری بیان میں مریم نواز نے یہ سوال اٹھایا کہ کدھر گئے 20 لاکھ افراد؟
مریم نواز نے عمران خان کے ہیلی کاپٹر میں سفر پر بھی تنقید کرتے ہوئے کچھ یوں کہا کہ کارکن تپتی دھوپ میں سڑکوں پر خوار ہورہے ہیں اور عمران خان ہیلی کاپٹر پر سوار ہیں جو کہ بُری بات ہے ۔
مریم نواز نے مزید لکھا کہ خیبر پختون خواہ نے بھی فتنہ خان کی کال پر کان نہیں دھرے۔ اچھی بات ہے کہ عوام نے فتنے کو نا صرف پہچان لیا بلکہ اسکا راستہ روک دیا ۔
کدھر گئے 20 لاکھ افراد؟ پنجاب بھر سے کُل ملا کر 500 افراد نہیں نکلے۔ لگتا ہے خیبر پختون خواہ نے بھی فتنہ خان کی کال پر کان نہیں دھرے۔ اچھی بات ہے کہ عوام نے فتنے کو نا صرف پہچان لیا بلکہ اسکا راستہ روک دیا۔ کارکن تپتی دھوپ میں سڑکوں پر خوار اور موصوف ہیلی کاپٹر پر سوار! بُری بات!
— Maryam Nawaz Sharif (@MaryamNSharif) May 25, 2022
مارچ ناکام عمران خان اب سیف ایگزٹ کی تلاش میں
مسلم لیگ (ن) کی نائب صدر نے سماجی رابطے کی ویب سائٹ ٹوئٹر پر جاری ایک اور بیان میں کہا ہے کہ یہ درست ہے۔ دو دن سے مارچ ناکام ہوتا دیکھ کر یہ کوئی safe exit کی تلاش میں تھے۔
یہ درست ہے۔ دو دن سے مارچ ناکام ہوتا دیکھ کر یہ کوئی safe exit کی تلاش میں تھے۔ آج جب لانگ مارچ مکمل ناکام ہو گیا تو یہ اب دھرنے کی بجائے جلسہ کی تجویز لے آئے۔ حکومت نے عمران خان کے کسی بھی مطالبہ کو ماننے سے انکار کر دیا ہے۔ https://t.co/8E3wSMdSR8
— Maryam Nawaz Sharif (@MaryamNSharif) May 25, 2022
ان کا مزید کہنا ہے کہ حکومت نے عمران خان کے کسی بھی مطالبہ کو ماننے سے انکار کر دیا ہے، آج جب لانگ مارچ مکمل ناکام ہو گیا تو یہ اب دھرنے کی بجائے جلسہ کی تجویز لے آئےہیں ۔
