وزیراعظم شہباز شریف نے ڈی چوک اسلام آباد کا دورہ کیا اور امن و امان کی صورت حال کو بہترین طریقے سے کنٹرول کرنے پر قانون نافذ کرنے والے اداروں کے اہلکاروں اور افسران کو خراج تحسین پیش کیا اور انہوں نے قانون نافذ کرنے والے اداروں کے اہلکاروں اور افسران سے مختصر خطاب بھی کیا۔
On his way to National Assembly, Prime Minister stops by D Chowk to appreciate the efforts of Police and Administration in containing the miscreants despite all odds. pic.twitter.com/B8LntzvjjX
— PML(N) (@pmln_org) May 26, 2022
تفصیلات کے مطابق وزیر اعظم شہباز شریف نے قومی اسمبلی کے اجلاس میں شرکت کے بعد وزیر داخلہ رانا ثناء اللہ اور وزیر دفاع خواجہ آصف کے ہمراہ ڈی چوک اسلام آباد کا دورہ کیا جہاں انہوں نے قانون نافذ کرنے والے اداروں کے اہلکاروں اور افسران کا حوصلہ بڑھایا۔
انہوں نے کہا کہ قانون نافذ کرنے والے اداروں نے مشکل ترین حالات میں پاکستان اور عوام کا ڈٹ کر تحفظ کیا ۔
وزیراعظم نے امن و امان کی صورت حال برقرار رکھنے پر قانون نافذ کرنے والے اداروں کو خراج تحسین پیش کرتے ہوئے کہا کہ عوام کی زندگیاں بچانے کے لیے آپ نے قانون اور آئین کے دائرے میں رہ کر جو فریضہ ادا کیا اور کر رہے ہیں، اس پر شکریہ ادا کرتا ہوں کہ مشکل ترین حالات میں آپ نے پاکستان اور عوام کا تحفظ کیا۔
