سابق ویسٹ انڈین کپتان ڈیرن سیمی کو پاکستان میں کرکٹ کی بحالی میں اہم کردار ادا کرنے پر ستارہ پاکستان سے نواز دیا گیا ہے ۔انہوں نے اپنے تاثرات کا اظہار کرتے ہو ئے کہا ہے کہ ستارہ پاکستان سے نوازا جانا میرے لیے بہت ہی فخر کی بات ہے۔
تفصیل کے مطابق 27 مئی کو سوشل میڈیا پر ڈیرن سیمی کی طرف سے ایک مختصر ویڈیو پوسٹ کی گئی کہ جس میں انہیں شلوار قمیض میں گھر سے نکل کر کہیں جاتے ہوئے دیکھا جا سکتا ہے. اس ویڈیو کے کیپشن میں ڈیرن سیمی نے لکھا کہ اندازہ لگائیں، آج میں کیا حاصل کرنے جا رہا ہوں؟
Guess what I’m receiving today?? pic.twitter.com/MBnx7xEvzV
— Daren Sammy (@darensammy88) May 27, 2022
ڈیرن سیمی نے اس تاریخی موقع پر سماجی رابطے کی ویب سائٹ ٹوئٹر کے ذریعے سے ایک تصویر شیئر کی کہ جس میں انہیں ستارہ پاکستان سے نوازا جا رہا ہے۔ ڈیرن سیمی کو یہ اعزاز ان کے آبائی علاقے سینٹ لوشیا میں دیا گیا ہے ۔
There it is👇🏾👇🏾👇🏾me collecting the
Sitara-I-Pakistan award 🥇. Such a proud moment https://t.co/Dv82dZ9fMC pic.twitter.com/W9FZjBQxaF— Daren Sammy (@darensammy88) May 30, 2022
ڈیرن سیمی نے اس موقع کو اپنے لفظوں میں بیان کرتے ہوئے لکھا کہ جی ہاں! یہ میں ہوں جسے ستارہ پاکستان سے نوازا جا رہا ہے، میرے لیے بہت ہی فخر کی بات ہے۔
سابق ویسٹ انڈین کپتان کو کرکٹ شائقین کی طرف سے پاکستان میں کرکٹ کی بحالی کے لیے خدمات سرانجام دینے پر سراہے جانے کے ساتھ ہی انہیں اعزاز ملنے پر مبارکباد بھی دی جا رہی ہے۔
واضح رہے کہ پاکستان میں انٹرنیشنل کرکٹ کی بحالی اور خدمات پر حکومت پاکستان نے گذشتہ سال ڈیرن سیمی کے لیے ستارہ پاکستان کا اعلان کیا تھا. پشاور زلمی کے سابق کپتان اور کوچ ڈیرن سیمی نے پاکستان سپر لیگ میں ہمیشہ الگ انداز میں شرکت کرکے پاکستان کا سافٹ امیج دنیا میں اجاگر کیا کہ جس کی وجہ سے دیگر ممالک کے کرکٹرز نے بھی پاکستان کا رخ کیا اور ان کی ایسی خدمات پر انہیں ستارہ پاکستان سے نواز گیا ہے۔
یاد رہے کے اس سے قبل حکومتِ پاکستان نے ویسٹ انڈین کرکٹر کو پاکستان کا اعلیٰ ترین شہری ایوارڈ 2020 میں دیا اور اس کے علاوہ انھیں پاکستان کی اعزازی شہریت بھی دی گئی ہے ۔
