واٹس ایپ میں بڑی تبدیلی

میٹا کی زیر ملکیت مقبول ترین میسنجر ایپ ’واٹس ایپ‘ نے اب واٹس ایپ گروپ میں ایک اور تبدیلی کی ہے۔ واٹس ایپ گروپ میں اب 500 سے زائد افراد کو شامل کیا جاسکے گا

واٹس ایپ صارفین اب کسی گروپ میں 256 کی بجائے 512 افراد کو شامل کرسکتے ہیں اور اب واٹس ایپ میں یہ فیچر تمام صارفین کے لیے دستیاب ہے۔جس میں 500 سے زائد افراد کو شامل کیا جاسکے گا یہ فیچر اینڈرائیڈ، آئی او ایس اور ڈیسک ٹاپ ورژن میں ان تمام صارفین کو دستیاب ہے جن کا واٹس ایپ اپ ٹو ڈیٹ ہے۔

اگر آپ دیکھنا چاہتے ہیں کہ یہ فیچر دستیاب ہے یا نہیں ہے تو ایپ اوپن کرکے تھری ڈاٹ مینیو پر کلک کریں اس مینیو میں create گروپ کے آپشن پر کلک کریں اور پھر اپنے کانٹیکٹس میں سے ایک یا 2 کے ناموں کا انتخاب کریں ایسا کرنے سے اوپر نیو گروپ کی ہیڈنگ کے نیچے لکھا آئے گا کہ 512 میں سے کتنے اراکین کو آپ سلیکٹ کرچکے ہیں۔

ویسے ٹیلیگرام کے ایک گروپ میں دو لاکھ افراد کو شامل کیا جاسکتا ہے،مگر واٹس ایپ میں طویل عرصے سے ایک گروپ کی حد 256 اراکین تھی۔تو یہ نیا اضافہ یقیناً مقبول گروپس کے لیے مفید ثابت ہی ہوگا۔

گروپ اراکین کی تعداد میں اضافہ اس وقت ہوا ہے جب حال ہی میں واٹس ایپ نے میسنجر میں بھیجی جانے والی فائل کا حجم بھی10 ایم بی سے بڑھا کر 2 جی بی کر دیا ہے۔واٹس ایپ کے مطابق یہ فائلز اینڈ ٹو اینڈ انکرپٹڈ ہوں گی اور اس سے کاروباری اداروں اور اسکول گروپس کو بھی مدد مل سکے گی۔

خیال رہے کہ مئی میں واٹس ایپ نے اپنے بیان میں یہ کہا تھا کہ ہم سے صارفین کی طرف سے جو مطالبات سب سے زیادہ کیے جاتے ہیں ان میں گروپ چیٹ میں اراکین کی تعداد میں اضافہ بھی شامل ہے۔بیان میں بتایا گیا کہ اب ہم ایک گروپ میں 512 افراد کی شمولیت کے آپشن کا اضافہ کررہے ہیں۔

اس خبر پر اپنی رائے کا اظہار کریں

اپنا تبصرہ بھیجیں