مشہد: وزیرخارجہ بلاول بھٹو زرداری نے آج اپنے دورہ مشہد کے دوران امام رضا (ع) کے روضے پر حاضری دی۔
تفصیلات کے مطابق پاکستان پیپلزپارٹی کے چیئرمین اور وزیرخارجہ بلاول بھٹو زرداری نے امام رضا (ع) کے روضے پر حاضری دی اور مہمانوں کی کتاب پر دستخط بھی کیے۔
مشہد: پاکستان پیپلزپارٹی کے چیئرمین اور وزیرخارجہ بلاول بھٹو زرداری کی امام رضا کے روضہ مقدس پر حاضری، ملکی سلامتی اور وطن عزیزکے لئے خصوصی دعا، وزیرخارجہ نے آستان قدس رضوی کے متولی علامہ شیخ احمد مروی سے ملاقات بھی کی۔@BBhuttoZardari pic.twitter.com/rmqei6SBnK
— PPP (@MediaCellPPP) June 15, 2022
وزیرخارجہ بلاول بھٹو زرداری نے امام رضا کے روضے پر حاضری کے موقع پر ملکی سلامتی اور وطن عزیز میں جمہوریت کے استحکام کے لئے خصوصی دعا کی۔
وزیرخارجہ بلاول بھٹو زرداری نے آستان قدس رضوی کے متولی علامہ شیخ احمد مروی سے بھی ملاقات کی۔وزیرخارجہ بلاول بھٹو زرداری کی ایران آمد پر آستان قدس رضوی کے متولی علامہ شیخ احمد مروی نے نیک تمناؤں کا اظہار کیا۔
