نائن الیون حملوں کو 21سال مکمل ہوگئے ،11 ستمبر سن 2001 میں امریکا کے شہر نیویارک میں دہشت گردی کی وہ کارروائی ہوئی تھی کہ جس نے دنیا کا منظر نامہ ہی بدل کر رکھ دیا تھا ۔
11 ستمبر 2001 منگل کا دن تھا کہ جب خودکش حملہ آوروں نے 4 امریکی مسافر بردار طیارے اغوا کئے اور انہیں واشنگٹن اور نیویارک میں اہم عمارتوں سے ٹکرانے کے منصوبے پر عمل کیا تھا ۔
3 طیارے مقررہ اہداف تک پہنچنے میں کامیاب رہے، جب کہ ایک ہدف تک پہنچنے سے پہلے ہی گر کر تباہ ہوگیا تھا ۔ ان حملوں میں تین ہزار کے قریب افراد ہلاک ہوگئے تھے۔
اس واقعے کو نائن الیون حملوں کے نام سے یاد کیا جاتا ہے اور ان حملوں کو نہ صرف امریکیوں بلکہ پوری دنیا کے لیے اکیسویں صدی کے اذیت ناک ترین واقعات میں سے ایک قرار دیا جاتا ہے ۔
