آرمی چیف کی یو این سیکرٹری جنرل کے ملٹری ایڈوائزر سے ملاقات

آرمی چیف جنرل قمر جاوید باجوہ کی امریکا کے سرکاری دورے کے دوران یو این سیکرٹری جنرل کے ملٹری ایڈوائزر جنرل بیرامے ڈیوپ سے ملاقات ہوئی ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق چیف آف آرمی سٹاف جنرل قمر جاوید باجوہ نے امریکا کےسرکاری دورے کے دوران یو این سیکرٹری جنرل کے ملٹری ایڈوائزر جنرل بیرامے ڈیوپ سے ملاقات کی ہے۔

ترجمان پاک فوج کا کہنا ہے کہ جنرل باجوہ اور جنرل ڈیوپ نے باہمی دلچسپی، علاقائی سلامتی کی مجموعی صورتحال اور پاکستان میں سیلاب کی تباہ کاریوں پر تبادلہ خیال کیا۔ آرمی چیف نے اقوام متحدہ کی اقدار کے فروغ اور بحرانی صورتحال میں یو این ملٹری ایڈوائز کے کردار کو سراہا۔

آئی ایس پی آر کے مطابق جنرل ڈیوپ نے پاکستان میں موسمیاتی تبدیلیوں کے نتیجے میں سیلاب کی تباہ کاریوں پر افسوس کا اظہار کیا ۔ یو این ملٹری ایڈوائزر نے امن مشنز اور انسداد دہشتگردی کے حوالے سے پاکستان کے کردار کو سراہا۔

اس خبر پر اپنی رائے کا اظہار کریں

اپنا تبصرہ بھیجیں